Иштироки ҳайати расмии Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк»» дар ҷаласаи Шурои сарони бонкҳои аъзои Иттиҳоди байнибонкии Созмони ҳамкории Шанхай (ИББ СҲШ)
Санаҳои 4 ва 6-юми июни соли 2025, ҳайати расмии Амонатбонк таҳти роҳбарии раиси раёсати КВД БА ҶТ «Амонатбонк» Салимзода Алиҷон Абдуҷалол дар кори ҷаласаи Шурои сарони бонкҳои аъзои Иттиҳоди байнибонкии Созмони ҳамкории Шанхай (ИББ СҲШ), ки дар пойтахти Ҷумҳурии Халқии Хитой шаҳри Пекин баргузор гардид, иштирок ва маърўза намуданд.
Дар кори ҷаласаи Шуро, роҳбарияти ҳама бонкҳои аъзои Иттиҳод низ иштирок доштанд. Илова ба ин, дар рафти баргузории чорабинӣ ҳайати расмии Амонатбонк дар якҷоягӣ бо намояндагони бонкҳои аъзои ИББ СҲШ масъалаҳое, ки дар Рўзномаи ҷаласа пешбинӣ гардида буданд, мавриди баррасӣ қарор доданд.
Дар кори ҷаласа масъалаҳои муҳим аз ҷумла, ба имзо расонидани «Баёнияи муштараки бонкҳои аъзои Иттиҳоди байнибонкии Созмони ҳамкории Шанхай ба муносибати 20-солагии СҲШ», васеъ намудани шумораи бонкҳои аъзо ва афзоиши чорабиниҳо дар самти табодули таҷриба байни бонкҳо, мавриди баррасӣ қарор дода шуданд.
Қайд кардан ба маврид аст, ки дар интиҳои чорабинии Иттиҳоди байнибонкии Созмони ҳамкории Шанхай аз ҷониби роњбарони бонкњо протокол оид ба аъзогӣ пазируфтани ҶСК «Беларусбанк» ба имзо расонида шуд.
Пас аз ба итмом расидани қисмати асосии ҷаласа, санаи 6-уми июн мулоқоти дуҷонибаи раиси раёсати КВД БА ҶТ «Амонатбонк» Салимзода Алиҷон Абдуҷалол бо Президенти Бонки давлатии рушди Хитой Тан Сзюн, раиси Элдик Бонки Ҷумҳурии Қирғизистон Уланбек Ногаев ва раиси ҶСК «Беларусбанк» Ананич Виктор Михайлович, баргузор гардид.
Дар рафти мулоқот масоили ҳамкориҳои дуҷонибаи Амонатбонк ва бонкҳои мазкур дар самтҳои мухталиф аз қабили, табодули таҷриба ва маблағгузории савдо барои рушд додани гардиши молу маҳсулот байни кишварҳо мавриди баррасӣ қарор дода шуд.
Раиси раёсати КВД БА ҶТ «Амонатбонк» Салимзода Алиҷон Абдуҷалол низ пешниҳодҳои бонкҳои шарикони рушдро бо хушнудӣ пазируфта, омодагии ҳамаҷонибаи Амонатбонкро дар дилхоҳ самтҳои манфиатнок иброз намуданд.
